අයහපත් කාලගුණය නිසා පුද්ගල මරණ 12ක්

මේ දිනවල පවතින අයහපත් කාලගුණයෙන් ඉතාලියේ සිසිලි  දූපතේ පුද්ගල මරණ 12ක් පමණ සිදුව තිබෙන අතර මියගිය මුළු ගණන 30කට ආසන්න බව විදෙස් වාර්තා සඳහන් කළේය.

දැඩි සුළං සහ වර්ෂාව සහිත අයහපත් කාලගුණයෙන් ඉතාලියට මේ දිනවල දැඩි බලපෑම් එල්ල වෙමින් තිබේ.

මේ සමඟ නායයෑම් කිහිපයක්ද සිදුව ඇති අතර ප්‍රදේශ රැසකම ගංවතුර තත්ත්වයක් දක්නට ලැබේ.

අයහපත් කාලගුණයෙන් දේපළ රැසක් මෙලෙස විනාශවී තිබුණි.

මේ අතර අයහපත් කාලගුණය හේතුවෙන් එකම පවුලේ සාමාජිකයින් නව දෙනෙකුද ඇතුළුව සිසිලි දූපතේ පුද්ගලයින් 12 දෙනෙකු පමණ මියගොස් තිබේ.

ඒ සමඟ අයහපත් කාලගුණය හේතුවෙන් එරටින් වාර්තා වන මරණ සංඛ්‍යාව 30දෙනෙකු දක්වා ඉහළ ගොස් තිබේ.

මෙම සංඛ්‍යාව තවදුරටත් ඉහළ යා හැකි බව විදෙස් වාර්තා පවසයි.

 

Leave a Reply

Your email address will not be published. Required fields are marked *