ලක්ෂ 02ක් මිල කල පිරිමි කමිසය

උසස් තත්වයේ මිල අධික නිමි ඇඳුම් අලෙවියේ නියුතු ආයතනයක් ‘බලෙන්සියාගා’ (Balenciaga) වෙළෙඳ නාමය යටතේ 2018 සිය නවතම පිරිමි කමිසය වෙළෙඳපොළට නිකුත් කර තිබේ.

එය බ්‍රිතාන්‍ය ස්ටර්ලින් පවුම් 935ට (ශ්‍රී ලංකා මුදලින් රුපියල් ලක්ෂ දෙකකට ආසන්න) මිල කර ඇත.නමුත් බොහෝ දෙනෙකු පුදුමයට පත් වූයේ මෙම කමිසයේ අධික මිල දැකීමෙන් නොව, එම කමිසයේ සුවිශේෂී නිර්මාණය දැකීමෙනි

කමිසයේ උඩ කොටස දිස් වන්නේ තනි පාට ටීෂර්ටයක කොටසක් ලෙසින් වන අතර, එහි ඉදිරිපස කොටු සහිත කමිසයක් එල්ලා තිබෙනු දක්නට හැකිය.

මේ අමුතු නිර්මාණයට බොහෝ දෙනෙකුගෙන් යහපත් ප්‍රතිචාර ලැබුණේ නැති අතර මෙම ‘කමිස ටීෂර්ටය’ දෙආකාරයකට ඇඟලිය හැකි බව බලෙන්සියාගා ආයතන පවසයි.

කෙසේ වෙතත්, තමන් ළඟ තිබෙන ඇඳුම් උපයෝගී කරගෙන මෙම නව කමිසය ගෙදරදීම අත්හදා බැලීමට බොහෝ පුද්ගලයන් කටයුතු කර තිබේ. එයින් තමන්ට විශාල මුදලක් ඉතිරි කරගැනීමට හැකිව ඇති බව ඔවුන් සමාජ මාධ්‍ය ජාලවල සටහන් කර තිබුණි.

මෙම නිර්මාණය කෙතරම් සුදුසු දැයි අසමින් යොමු වූ මහජන ප්‍රශ්නවලට බලෙන්සියාගා ආයතනය මෙතෙක් පිළිතුරු දී නොමැත

 

Leave a Reply

Your email address will not be published. Required fields are marked *