මව්වරුන්ගේ දිනය දා කාන්තා ඇඳුමින් සැරසි පාසලට ගිය පියා

මව්වරුන්ගේ දිනය දා කාන්තා ඇඳුමින් සැරසි තම පුතුන් දෙදෙනා සැනසීමට පාසලට ගිය පියෙකු පිළිබඳ විදෙස් මාධ්‍ය වාර්ථා කරයි.

මෙම සංවේදී පියාගේ කථාව වාර්තා වන්නේ තායිලන්තයෙනි. එහි වසරක් පාසා පැවැත්වෙන මව්වරුන්ගේ දිනය උත්සවාකාරයෙන් සමරනු ලබයි.

එදින එම උත්සවයට පැමිණි  මව්රුන් අතර මෙම 37 හැවිරිදි මෙම දෙදරු අමුතු මව පිළිබද අවධානය යොමුව තිබුණි.

ඔහු එලෙස සැරසි පැමිණියේ අනෙක් දරුවන් මව් තුරුලේ සිටිද්දි තම දරු දෙදෙනා කම්පා වනු ඇතැයි සිතමිනි.

අදාළ දරුවන්ගේ මව යුරෝපයට ගොස් තවමත් පැමිණ නොමැති අතර එදින එම දරුවන් තම පියාගේ තුරුලේ සිට මව්වරුන්ගේ දිනය සමරා ඇති බව විදෙස් මාධ්‍ය වාර්ථා කර සිටි.

 

 

 

උසස් පෙළට ජංගම දුරකථනයකුත් එක්ක වාඩි වු සිසුවාට වැඩ වරදි

මේ දිනවල පැවැත්වෙන අ.පො.ස උසස් පෙළ විභාගයට පෙනී සිටි සිසුවෙක් ජංගම දුරකතනයක් භාවිතා කරමින උසස් පෙළ විභාගයට පෙනී සිටි පුවතක් ගම්පහ ප්‍රදේශයේ විභාග ශාලාවකින් වාර්තා වෙයි. අදාල සිසුවා ජංගම දුරකතනය භාවිතා කරන බව දුටු විභාග ශාලාධිපතිවරයා එම අවස්ථාවේදීම සිසුවාගේ ජංගම දුරකතය ලබා ගෙන තිබේ.

තාක්ෂණික මෙවලම් භාවිතා කරමින් සිදුකරන මෙවැනි විභාග වංචා වැළැක්වීම සඳහා විභාග ශාලා තුල ‘‘සිග්නල් ජෑම්‘‘ කිරීමට පසුගිය සමයේ යෝජනා ඉදිරිපත් වී තිබුනද එය ප්‍රායෝගික නොවන බව පෙන්වා දෙමින් විදුලි සංදේශ, ඩිජිටල් යටිතල පහසුකම් හා විදේශ රැකියා අමාත්‍ය හරීන් ප්‍රනාන්දු කළේ මෙවැනි සිදුවීම් වළක්වාලීම සඳහා සිසුන් විභාග ශාලා තුලට ඇතුලත් කිරීමේදී හොඳින් පරීක්ෂා කර විභාග මධ්‍යස්ථාන තුළට ඇතුලත් කළ යුතු බවයි.

කෙසේ වෙතත් විභාගය අවසන් වූ පසුව මෙම සිදුවීම පිළිබඳ පරීක්ෂණ සිදුකිරීමට නියමිතව ඇත.

 

 

ට්‍රම්ප්ට විවේචනය කල FBI ජ්‍යෙෂ්ඨ නියෝජිතයට සිය ධුරය අහිමි වෙයි

අැමෙරිකානු ජනපති ඩොනල්ඩ් ට්‍රම්ප් විවේචනය කරමින් කෙටි පණිවුඩ යැවීම හේතුවෙන්, එෆ් බී අයි සංවිධානයේ ජ්‍යෙෂ්ඨ නියෝජිතයෙකු වන පීටර් ස්ට්‍රෝක් ධුරයෙන් ඉවත්කර තිබේ.

ඒ අනුව ඩොනල්ඩ් ට්‍රම්ප් බලයට පත් වූ පසු, එෆ් බී අයි සංවිධානයේ ධුරයෙන් ඉවත් කළ තුන්වන ඉහළ පෙළේ නිලධාරියා මොහුයි.

විදෙස් වාර්තා අනාවරණය කළේ, අමෙරිකානු නීති දෙපාර්තමේන්තුව කළ දීර්ඝ අභ්‍යන්තර විමර්ශනයකින් අනතුරුව ස්ට්‍රෝක් සිය මිතුරන් සමග හුවමාරු කරගත් කෙටි පණිවුඩ පිළිබඳ තොරතුරු හෙළිකර ගැනීමට හැකි වී ඇති බවයි.

ඒ අනුව ස්ට්‍රෝස්ට දින 60 ක වැඩ තහනමක් හා ඔහුගේ තනතුරද පහත හෙළන බව එෆ් බී අයි නියෝජ්‍ය අධ්‍යක්ෂ ඩේවිඩ් බෝඩිච් නිවේදනය කළේ ය.

 

 

හික්කඩුවේ දුම්රියට පුද්ගලයෙකු බිලි

හික්කඩුව ආසන්නයේදී දුම්රියේ ගැටීමෙන් පුද්ගලයෙකු මියගොස් තිබේ.

පොලීසිය පැවසුවේ, ගාල්ල සිට අලුත්ගම බලා ධාවනයවූ දුම්රියේ අදාළ පුද්ගලයා ගැටී මියගොස් ඇති බවයි.

එලෙස මියගොස් ඇත්තේ, 57 හැවිරිදි පුද්ගලයෙකි.

 

 

නායයාමේ අවධානම නිසා පවුල් 12ක් ආරක්ෂිත ස්ථාන වෙත යවයි

මධ්‍යම කඳුකරයේ බටහිර බැවුම් ප්‍රදේශවලට තව දුරටත් ඇදහැලෙන අධික වර්ෂාවත් සමඟ නායයාමේ අවධානමක් හේතුවෙන් නානුඔය ඩෙස්පොඩ් වතු යායේ පහල කොටසේ  වතු කම්කරු පවුල් 12 කට අයත් සමාජිකයන් ආරක්ෂිත ස්ථාන කරා යොමු කළ බව නුවරඑලිය ප්‍රාදේශිය ලේකම් කාර්යයාලය පවසයි.

එම වතු යායේ වතු නිවාස පේලියක ආරක්ෂිත පැති බැම්මක් පැවති අධික වර්ෂාවත් සමඟම ඊයේ(13) කඩා වැටිමත් සමඟම එම වතු කම්කරුවන් පදිංචි  වතු නිවාස පේලිය නායයාමේ අවධානමක් හේතුවෙන් ඔවුන් ආරක්ෂිත ස්ථානයක මෙසේ රඳවාඇත.

අවතැන් කඳවුරු වල සිටින වතු කම්කරු සමාජියන්ට අවශ්‍ය පහසුකම් සැලසිමට ප්‍රාදේශිය ලේකම් කාර්යයාලය කටයුතු කර තිබේ.

 

හලාවත වාහන තදබදය අතර වාහන 04ක් එකට හැප්පිලා

හලාවත – පුත්තලම මාර්ගයේ දැදුරුඔය පාලමට ආසන්නයේදී අද(14) අළුයම වාහන 04 ක් එකිනෙක ගැටීමෙන් අනතුරක් සිදුව ඇත.

බස් රථ දෙකක් සහ මෝටර් රථ දෙකක් එකිනෙක ගැටීමෙන් මෙම අනතුර සිදුවී තිබුණි.

වාහන තදබදයක් හේතුවෙන් නවතා තිබූ මෝටර් රථයක මීගමුවේ සිට කල්පිටිය දක්වා ධාවනය වෙමින් තිබූ පුද්ගලික බස් රථයක් ගැටී ඇති අතර එම මෝටර් රථය ඉදිරියෙන් නවතා තිබූ බස් රථයක ගැටී ඇත.

එම බස් රථයද ඉදිරියෙන් තිබූ තවත් මෝටර් රථයක ගැටීමෙන් මෙම අනතුර සිදුවී ඇති බව වාර්තා වෙයි

අනතුරින් එක් මෝටර් රථයකට බරපතළ හානි සිදුවී ඇති අතර අනතුරට පත්ව ඇති වාහන වල සිටි කිසිවෙකුට තුවාල සිදුවී නොමැත.

මීගමුවේ සිට කල්පිටිය දක්වා ධාවනය වෙමින් තිබූ පුද්ගලික බස් රථය හැර සෙසු වාහන රාජගිරියේ සිට මඩු දේවස්ථානය බලා ගමන් කරමින් තිබී ඇති බව වාර්තා වෙයි.

පුද්ගලික බස් රථ රියදුරාගේ වරද හේතුවෙන් මෙම අනතුර සිදුවී ඇති බව පොලීසිය සඳහන් කරයි

සිද්ධිය සම්බන්ධයෙන් හලාවත පොලීසිය වැඩිදුර පරීක්ෂණ පවත්වයි.

 

 

ජාකර්තා ලොව වේගයෙන්ම ගිලා බසින නගරය බවට පත්වෙයි

මිලියන 10 ක ජනයා ජීවත්වන ඉන්දුනීසියාවේ අග නගරය, ජාකර්තා ලොව වේගයෙන්ම ගිලා බසින නගරය බවට පත්ව ඇත. මෙලෙස නොනවත්වා සිදුවන්නේ නම් වර්ෂ 2050 වනවිට නගරය මුළුමනින් ම යටවනු ඇති බව පර්යේෂකයෝ පවසති.

ජාකර්තා නගරය නිර්මාණයවී ඇත්තේ වගුරු බිමකය. ජාවා මුහුද එහි සීමාවේ ඇති අතර ගංගා තුනක් නගරය හරහා ගලා බසී.

මේ හේතුවෙන් ජාකර්තා නගරයේ නිරන්තර ජල ගැලීම් අරුමයක් නොවේ. විශේෂඥයන්ට අනුව නම් මේ තත්ත්වය දිනෙන් දිනම නරක අතට හැරෙමින් පවතී.

නමුත්, විකෘති ජල ගැලීම් නොව, සැබෑ ලෙසම මෙම සුවිසල් නගරය පොළවේ අතුරුදහන් වෙමින් පවතී.

ජාකර්තා නගරයේ උතුරු කොටස පසුගිය වසර 10 තුළ මීටර් 2.5 ක් ගිලා බැස තිබේ. එසේම සමහර ප්‍රදේශ වසරකට සෙ.මි. 25 ක් පමණ ගිලා බසී. එය ලෝකයේ මුහුද ආසන්නයේ පිහිටා ඇති නගරවල ගිලා බැස්මේ සාමාන්‍යය මෙන් දෙගුණයකි.

එසේම මේ වනවිට නගරයෙන් අඩක් පමණ මුහුදු මට්ටමට පහතින් පිහිටා ඇත. මේ තත්ත්වය උතුරු ජාකර්තා හි ඉතා ඉක්මණින් දකින්නට ලබෙනු ඇත.

ජල කළමණාකරන ආයතන මහජනයාගේ ඉල්ලුම සැපිරීමට අපොහොසත් අතර විශේෂඥයන්ට අනුව ඔවුන් සපයන්නේ ජල අවශ්‍යතාවයෙන් 40% ක් පමණි. මේ හේතුවෙන් තමන්ට විකල්පයක් නොමැති බව මහජනයා පවසති.

 

බස් රථත් හෙට වර්ජනයට සුදානම්

රථවාහන සඳහා හඳුන්වා දී ඇති නව දඩ ගාස්‌තු ක්‍රමයට විරෝධය පළ කිරීමට පෞද්ගලික බස්‌ රථ සේවක සංගමය හෙට (15දා) මධ්‍යම රාත්‍රියේ සිට වැඩ වර්ජනයක්‌ ක්‍රියාත්මක කරන බව එම සංගමයේ සංවිධායක යූ. කේ. කුමාර රත්න රේණුක පවසයි.

මෙම වර්ජනය සඳහා බවුසර් සහ බහාලුම් රියෑදුරන්ගේ සහායද හිමි වන අතර කොළඹ නගරයේ ධාවනය කෙරෙන සියලුම ත්‍රිරෝද රථ රියෑදුරන්ගේ සහාය හිමි වන බවත් ඔහු සදහන් කරයි.

දඩ ගාස්‌තු ඉහළ දැමීම නිසා රියදුරන් අපහසුතාවට ලක්‌ වීමට එරෙහිව මෙම වර්ජනය ක්‍රියාත්මක කරන අතර රියෑදුරු බලපත්‍රයක්‌ හිමි සෑම රියදුරෙකුම මෙම වර්ජනයට සහාය දෙනු ඇතැයිද සංවිධායකවරයා පවසයි.